Javier Cotelo, coa selección galega mini no V Torneo Concello de Marín

O noso adestrador do equipo infantil Javier Cotelo Rama (Carballo, 1971) será outro ano máis o encargado da selección de minibásquet que loitará no Campeonato de España do vindeiro mes de marzo .A selección ultima a súa preparación cos últimos adestramentos e torneos tendo este fin de semana de Entroido unha boa proba na localidade pontevedresa de Marín onde se celebra o V Torneo de Seleccións Autonómicas de Minibasket e onde compite Galicia, Castilla-León, Asturias e Euskadi.Na selección galega tamén aparecen dous xogadores da comarca,o carballés Jacobo Díaz Rey e o larachés Mateo Cambón Domíguez, ambos do EB Xiria. O calendario do torneo aparece na imaxen inferior.

Javier Cotelo volve a ser o adestrador encargado desta selección sendo a segunda temporada consecutiva na que ocupa tal cargo. É, sen dúbidas o mellor adestrador de baloncesto da comarca e foi tamén seleccionador galego en categoría cadete masculina fai seis  temporadas. Na actualidade é o adestrador do equipo senior do CB Laracha (vai terceiro na súa liga), adestrador do equipo infantil masculino do CB Artai (líder invicto tras doce xornadas) e primeiro adestrador da selección galega mini ademáis dun dos impulsores da asociación +Talento.