II LIGA 3X3 SEGUROS SUEIRO
Mañán
luns día 11 de decembro comezamos a
competición de 3X3 patrocinada por segundo ano por Seguros Sueiro que terá lugar no segundo e no terceiro trimestre do
curso actual durante os recreos do Centro Artai (11:50-12:10) .Na competición
participarán un total de 120 alumnos de Educación Primaria divididos en
categoría prebenxamín (5 equipos), benxamín ( 5 equipos) e alevín (9 equipos).
A novidade desta edición ten que
ver coa iniciativa por parte do Departamento de Educación Física do Centro
Artai no referido aos nomes dos equipos. O seu responsable, Diego Rivas,
decidiu, xuntos cos nenos e nenas participantes, denominar a cada un dos equipos
cos nomes das dezaoito parroquias que conforman o concello de Carballo e nomear
o último dos equipos co nome do río Anllóns. Unha boa forma de conxugar a
actividade deportiva co coñecemento do medio máis próximo a nós.
Asi
desta curiosa forma, os equipos que conforman a liga prebenxamín son as
parroquias de Lema, Noicela, Rebordelos, Vilela e o río Anllóns. A liga
benxamín estaría formada por Aldemunde, Ardaña, Artes, San Xoán e Goiáns. A
liga alevín , a máis numerosa, estaría formada polo resto das parroquias,
Sofán, Sísamo, Rus, Razo, Oza, Bértoa, Berdillo, Entrecruces e Artes.
No hay comentarios:
Publicar un comentario