Javier Cotelo e Iván Villaverde coa selección galega mini

O técnico Javier Cotelo  en categoría masculina será o encargado de tutelar o ciclo  da temporada 2015 - 2016 da Selección Galega Mini.Regresa á dinámica das Seleccións Galegas cinco anos despois da súa última presenza como técnico nas mesmas, comezará a traballar en decembro arroupado polo seguinte equipo:

Axudante: Ivan Villaverde (C.B. Artai)

Delegado: Daniel Fuentes (Estudiantes Pontevedra)

Os dous técnicos do club unense a FEGABA neste traballo coas categorías de formación. Javier Cotelo (Carballo, 1971) é un dos adestradores con maior bagaxe deportivo en categorías de formación a nivel autonómico. El foi un dos impulsores da sección de baloncesto de Xiria e leva oito anos traballando cos xovenes xogadores de Artai militando catro temporadas na liga galega. Habitual colaborador da FEGABA o adestrador carballés compatibiliza esta temporada a súa labor cos equipos de formación do CB Artai co cargo de adestrador do equipo senior do CB Laracha.

Iván Villaverde (Carballo,1992) é un dos técnicos con maior proxección a nivel provincial. Con so vintatrés anos xa ten no seu poder o título de adestrador superior e compaxina a súa labor coa federación co rol de adestrador dos equipos infantil e cadete do club.Tamén está como segundo adestrador do equipo senior de Carballo Básket.