miércoles, 25 de abril de 2012

Presentación do torneo pequebasket

 

O Pequebasket propón unha xornada lúdica e para desfrutar do baloncesto dirixida a nenos e nenas de 4 a 7 anos

 Carballo Basket organiza coa colaboración do Concello de Carballo o torneo Pequebasket, unha cita que pretende unir a competición e o aspecto lúdico do deporte e que está dirixida a nenos e nenas de entre 4 e 7 anos. O Pavillón Carballo Calero da capital municipal acolle o torneo o sábado 28 de abril a partires das 16.00 horas e nel participan, ademais de dous equipos do Carballo Basket, o Club Baloncesto Artai, dous equipos do Club Basquet Coruña, o Club baloncesto Laracha, o Santo Domingo de Betanzos e o Club baloncesto Culleredo. Está previsto dividir as instalacións en dúas zonas, unha na que se celebrarán os enfrontamentos entre os equipos e outra destinada a zona de xogos na que poderán estar tanto os grupos que non estean competindo nese momento como os nenos e nenas que queiran asistir de balde a desfrutar dunha xornada lúdica e de deporte. Así mesmo, os asistentes recibirán ao longo da tarde bebidas e unha merenda e haberá un agasallo conmemorativo para os equipos. Segundo explica o responsable deportivo do Carballo Basket, Arturo Ferraces, un dos obxectivos desta cita, que se celebra por primeira vez pero que a organización espera que poida ter continuidade, é o de que "os rapaces, dende moi pequenos, se relacionen co deporte".
Outra das características do Pequebasket é que, para que os participantes se centren en pasalo ben, non haberá nin marcadores nin resultados dos encontros. Diego Vázquez, presidente de Carballo Basket, quixo subliñar ademais que se quixo facer unha xornada dirixida tamén aos pais, para que se sintan partícipes do que pretenden que sexa unha festa do deporte e do baloncesto. Tanto é así que haberá animación musical durante toda a tarde e a organización espera que moitos cativos e cativas de fóra dos clubs participantes (que xa suman arredor de 100) se animen a achegarse ao pavillón "para facer un día inesquecible e que o ano que vén poidamos duplicar a asistencia". Así mesmo, o presidente do Club Baloncesto Artai, Joaquín Moreira e o de Basquet Coruña, Carlos Lamora, quixeron agradecer a invitación para participar nesta cita, especialmente porque "a base é un piar fundamental" dos clubes, segundo Lamora. Por último, o Alcalde de Carballo, Evencio Ferrero, quixo subliñar tamén a importancia das categorías inferiores e subliñou "que os carballeses e carballesas son uns privilexiados por contar con dúas escolas potentes de basket". Así mesmo, desexou que esta cita "sexa un paso máis para a consolidación do baloncesto no mundo do deporte de Carballo e a comarca".

No hay comentarios:

Publicar un comentario

Victoria en el derbi ante Xiria por 54 a 67

  2ª DIVISIÓN CADETE MASCULINO-CUARTOS DE FINAL-VUELTA COPA PREMIUM BASKET XIRIA CADETE MASCULINO : 54 CARNICERÍA DANIEL ARTAI : 67 Parciale...